EXP.2155/2026: 18/2026 CONTRATACIÓN DO SERVIZO DE ELABORACIÓN DA
RELACIÓN DE POSTOS DE TRABALLO DO CONCELLO DE SANXENXO E DO
O.A. TERRA DE SANXENXO
ASUNTO: MEMORIA XUSTIFICATIVA DA NECESIDADE E IDONEIDADE DO
CONTRATO
A regulación das relacións de postos de traballo está contida no artigo 74 do Real
Decreto Lexislativo 5/2015, de 30 de outubro, polo que se aproba o texto refundido
da Lei do Estatuto Básico do Empregado Público, que dispón que “As
Administracións Públicas estruturarán a súa organización a través de relacións de
postos de traballo ou outros instrumentos organizativos similares que comprenderán,
ao menos a denominación dos postos, os grupos de clasificación profesional, os
corpos ou escalas no seu caso a que estean adscritos, os sistemas de provisión e as
retribucións complementarias”. Igualmente, o artigo 90.2 da Lei 7/1985, de 2 de abril,
reguladora das Bases de Réxime Local establece que “As Corporacións locais
formarán a relación de todos os postos de traballo existentes na súa organización,
nos termos previstos na lexislación sobre función pública”.
O obxecto deste contrato é a elaboración da Relación de Postos de Traballo (en
diante RPT) do Concello de Sanxenxo e do O.A. Terra de Sanxenxo (en diante
Terra), que na actualidade carecen deste instrumento. A execución do contrato
conlevará traballos de análise da situación actual do persoal, o desenvolvemento
dunha descrición dos postos, unha valoración dos postos de traballo existentes e a
confección dunha RPT, co fin de conseguir a optimización dos recursos humanos
existentes no Concello de Sanxenxo e en Terra e unha xestión eficaz e áxil dos
mesmos.
A necesidade a satisfacer é dar cumprimento ao mandato legal de contar cunha RPT
que facilite o exercicio dunha correcta política de persoal.
De conformidade co establecido no artigo 116.4 f) da Lei 9/2017, de 8 de novembro,
de Contratos do Sector Público, en data 13 de marzo de 2026 o técnico de emprego
e persoal asinou un informe xustificativo de insuficiencia de medios, no que conclúe
que considera “xustificado que os traballos de elaboración da Relación de Postos de
Traballo sexan realizados mediante a contratación dun servizo externo
especializado, ao resultar esta opción a máis axeitada para garantir a obxectividade,
independencia técnica, rigor metodolóxico e seguridade xurídica necesarios nun
instrumento de planificación organizativa desta natureza”.
Á vista dos antecedentes expostos e o obxecto da servizo, enténdese xustificada a
necesidade da contratación do servizo.
Todo o que se fai constar aos efectos do artigo 28.1 da Lei 9/2017, do 8 de
novembro de Contratos do Sector Público, referente á necesidade e idoneidade do
contrato, debéndose incorporar a presente memoria no expediente de contratación.
En Sanxenxo, na data da sinatura dixital
Concello de Sanxenxo
Rúa Madrid, 1, Sanxenxo. 36960 (Pontevedra). Tfno. 986720075. Fax: 986721022
JEWS9XJHRQKSAMWKMKDCA7367
:nóicadilaV
.dóC
/lag.acinortceledes.oxnexnasedollecnoc//:sptth
:nóicacifireV
1
ed
1
anigáP
|
anoitseG
ocilbuPse
amrofatalp
al
edsed
etnemacinórtcele
odamrif
otnemucoD
La vista PDF está disponible solo para usuarios registrados.