Renovación dos equipos de filtración da ETAP de O Valadouro, así como o resto dos elementos de instrumentación que se encontran deteriorados e non son aptos para o seu funcionamento, desmontando a cuberta do edificio e con axuda dunha grúa desmontar os filtros existentes, que serán trasladados á ubicación que designe o Concello. Unha vez desmontados os equipos proxectase a instalación dos filtros de PRFV de diámetro 2 m. E altura nominal de 2,3 m. xunto cos colectores e válvulas posicionadoras de acción neumática. Proxéctanse medidores de pH e cloro continuo, xunto cos seus depósitos de reactivos e bombas dosificadoras. O conxunto de elementos anteriormente descritos irán xestionados por un autómata Siemens Simatic 7, ou similar, con pantalla táctil, deixando o programa sen contrasinal ou facilitando o contrasinal para facilitar posibles modificacións de programa. Todo iso montarase nun cadro eléctrico onde se situará o resto de aparamenta de protección. Quedando os equipos de filtración e instumentación na ETAP en funcionamento e a cuberta do edificio e viguetas restauradas.