Proxecto de “ “Actuacións no Parque Forestal de Bouza de Miguel” –convocatoria 2018-

LOTE 2: Comprende os capítulos III, IV e V de orzamento: as actuacións de creación área infantil, divulgación e sinalización Creación de área de recreo infantil (rodal 3). Todos os xogos a subministrar disporán de certificado de cumprimento da norma UNE EN1176. Serán instalados os elementos de xogo infantil que se relacionan a continuación: 1 Tirolina (1 ud) 2 Tobogán en pendente (1 ud) 3 Columbio adaptado a persoas de mobilidade reducida (1 ud). 4 Divulgación Será necesario o deseño da imaxe corporativa do parque forestal, este deseño englobará: - Logotipo do parque. - Definir as características da cartelería sinalizadora, divulgativa, interpretativa, etc Tanto na súa tipoloxía, como materiais empregados, cores, tamaños, e demais características.. 5 Sinalización Deberán colocarse 3 paneis informativos nos principais acesos en puntos que se consideran entrada ó parque Forestal de Bouza de Miguel. Constará de postes e vigas en madeira tratada con tratamento autoclave (9 x 9 cm.) e medidas de panel visible en metacrilato de 1100 x 900 cm. As características dos paneis poderán ser variadas en función da definición de tipoloxía de cartelería descrita en apartado anterior

LOTE 1 Comprende os capítulos I e II de orzamento: actuacións sobre a vexetación (rozas e plantación) 1 Tratamento vexetación existente (rodal 1 e 2) Será roza manual xa que as condicións do terreo impiden a mecanización dos traballos, con pendente maior a 35% e zonas de valgada e desmontes. 2 Forestación (rodal 1 e 2) Realizarase a plantación en mestura de especies frondosas caducifolias. Serán distribuídas ó tresbolillo, sen marco de plantación liñal co fin de aumentar o arborado. Implicará: Preparación do terreo Por tratarse de superficies non mecanizables, realizarase apertura manual dun burato de 30x30 cm., con profundidade mínima de 30 cm. Plantación A plantación será manual sobre burato procedente de apertura manual. As especies serán: bidueiros (Betula alba), acivro (Ilex aquifolium), abeleira (Corylus avellana), Quercus robur (Carballo), Quercus suber (sobreira) e Castanea x hybrida (castiñeiro). A densidade será de 625 plantas/ha en 1,72 hectáreas (Rodal 1) e 400 pés/ha en 0,73ha (Rodal 2)